सुजाताकाे हत्यारा लुटिएकाे नगद सहित पक्राउ

असार ६, विराटनगर । पाँचथरको हिलिहाँङ गाउँपालिका–६ सिटेमा मृत अवस्थामा फेला परेकी एन.एम.बि. माईक्रो फाईनान्स बित्तिय संस्थामा कार्यरत कर्मचारीको हत्या गरी लुटपाट गर्ने एक जनालाई प्रहरीले पक्राउ गरेको छ । 

गत असार ३ गते ईलामको माई जोगमाई–५ घर भई उक्त फाईनान्समा कार्यरत २१ बर्षीया सुजाता तामाङ धारिलो हतियार प्रयोग गरी हत्या गरेर फालेको अवस्थामा फेला परेकी थिईन् । 

null

मृत अवस्थामा युवतीको शव फेला परेसँगै अभियुक्तको खोजतलासमा खटिएको प्रदेश प्रहरी कार्यालय बिराटनगर र जिल्ला प्रहरी कार्यालय पाँचथरको अनुसन्धान टोलीले घटनामा संग्लग्न रहेको आरोपमा स्थानीय १९ बर्षीय अस्मिन भनिने घनेन्द्र लावतीलाई गाउँघरमै लुकीछिपी बसिरहेको अवस्थामा पक्राउ गरेको हो । 

पक्राउ परेका लावतीको साथबाट प्रहरीले लुटिएको नगद र घटनामा प्रयोग गरेको खुकुरी समेत बरामद गरेको छ । घटनाका विषयमा थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।