‘पोई पर्यो काले’को शीर्ष गीत यस्तो बन्यो
मकालु खबर
भाद्र २२, काठमाडौँ । शिशिर राणाको लेखन तथा निर्देशनमा बनेको चलचित्र ‘पोई पर्यो काले’को शिर्ष गीत काठमाडौँमा एक कार्यक्रम गरी सार्वजनिक गरिएको छ ।
करिब पाँच मिनेटको यस शिर्ष गीतको भिडियोमा साैगात मल्ल, आकाश श्रेष्ठ, पुजा शर्मा, श्रृष्टी श्रेष्ठ, सोहित मानन्धर र सुरक्षा पन्त लगायत कलाकारको ठुम्का देख्न पाईन्छ ।
यस गीतलाई गायक रामचन्द्र काफ्ले र गायिका अन्जु पन्तले स्वर दिएका छन् भने अर्जुन पोखरेलको संगीत दिएका छन् । नृपेश उप्रेतीको शब्द रहेको यस गीतलाई छायाँकन शिव ढकालले गरेका हुन् ।
चलचित्रमा दिपक मनाङ्गे र सरोज नेपालीले लगानी गरेका छन्। किरण नेपालीको प्रस्तुतिमा तयार भएको चलचित्रमा अमलादेवी राई कार्यकारी निर्माताको रुपमा रहेकी छिन् ।
चलचित्रमा नायिका पूजा नायक सौगातको श्रीमती रुपमा दर्शक समक्ष देखा पर्नेछिन् । चलचित्रको मिति भने तिहारको अवर पारेर कार्तिक ८ गतेलाई तय भएको छ ।
भिडियाे हेर्नुस्
https://youtu.be/bNozwMbyAsk
मकालु खबर
