भक्तपुरबाट बुद्धचित्त सहित ४ पक्राउ

साउन ६, काठमाडौँ । आइतबार राति भक्तपुरको सूर्यविनायकबाट अबैध रुपमा बुद्धचित्त ल्याउँदै गरेको अवस्थामा ४ जना पक्राउ परेका छन् । 

पक्राउ पर्नेमा काठमाडौं महानगरपालिका ७ बसुन्धरा बस्ने ४० वर्षीय शुक्र लामा, बसुन्धारा बस्ने दोलखाका २१ वर्षीय रोशन कार्की, बसुन्धारा बस्ने रामेछाप सुनापतीका २५ वर्षीय रुपेश लामा र ट्याक्सी चालक काठमाडौं कपन बस्ने सिन्धुली रानीबासका २१ वर्षीय बिनोद माझी रहेको प्रहरीले जनाएको छ । 

null

पक्राउ परेको उनीहरुले बा २ ज ५२२३ नम्बरको ट्याक्सी प्रयोग गरी ७ वटा बोरामा १०० किलोग्राम बुद्धचित्तको दाना बनेपाबाट काठमाडौँ ल्याउँदै गरेको अवस्थामा भक्तपुरको सूर्यविनायक नगरपालिका ८ मा ट्याक्सी चेकजाँच गर्ने क्रममा पक्राउ गरिएको प्रहरीले जनाएको छ । 

पक्राउ परेका उनीहरुलाई कारवाहीको लागि थप अनुसन्धान भइरहेको प्रहरीले जनाएको छ ।