आज रविको बयान, के आउला अदालतको फैसला ?
मकालु खबर
भदौ ९, चितवन । पत्रकार शालिकराम पुडासैनी मृत्यु प्रकरणमा पक्राउ परेका कार्यक्रम प्रस्तोता रवि लामिछाने, युवराज कँडेल र रुकु कार्कीविरुद्ध जिल्ला अदालत चितवनमा मुद्दा दर्ताभएसँगै आइतबादेखि नै अदालतले बयान लिन सुरु गरेको छ ।
अदालतले आइतबार अस्मिता भनिने रुकु कार्कीसँग बयान लिइसकेको छ भने सोमबाबर लामिछाने र कँडेलसँग बयान लिँदै छ । बयानका लागि उनीहरुलाई जिल्ला अदालत लगिसकिएको छ । सोमबार सुरुमा युवराज कँडेलसँग बयान लिने अदालत श्रोतले जनाएको छ । कँडेलसँगको बयान सकिएपछि समय रहेमा सोमबार नै लामिछानेसँग पनि बयान लिने अदालतको तयारी छ ।
आइतबार कार्कीसँग बयान लिएपनि समय अभावका कारण कँडेल र लामिछानेसँग बयान लिन नसकिएको अदालतको भनाई छ । तीनै जनाको बयान सकिएपछि अदालतले बयानका आधारमा आफ्नो फैसला सुनाउने छ ।
null
जिल्ला सरकारी वकिल कार्यालय चितवनले उनीहरुविरुद्ध आइतबार दिउँसो मुद्दा दायर गरेको थियो । जिल्ला सरकारी वकिलको कार्यालयका सूचना अधिकारी प्रकाश थापाका अनुसार मुलुकी अपराध संहिता २०७४ को दफा १७७ र दफा १८५ को १ र २ को कसुरमा तीनै जना प्रतिवादीलाई दफा १८५ को २ अनुसार सजाय माग गर्दै मुद्दा दायर भएको हो । सो दफामा पाँच वर्षसम्म कैद र ५० हजारसम्म जरिवाना वा दुवै गर्न सकिने व्यवस्था रहेको छ ।
गत साउन २० गते राति नारायणगढको एक होटलमा पत्रकार शालिकराम पुडासैनी झुण्डिएको अवस्थामा भेटिएका थिए । पुडासैनीले मृत्युअघि रवि लामिछाने, युवराज कँडेल र अस्मिता भनिने रुकु कार्कीलाई आफ्नो हत्याको दोष लागाउँदै खिचेको भिडियो सार्वजनिक भएपछि तीनै जनालाई प्रहरीले नियन्त्रणमा लिएर अनुसन्धान सुरु गरेको थियो ।
यता रविका समर्थकहरुले भने रविलाई रिहाई गर्नु पर्ने माग गर्दै प्रदर्शन जारी राखेका छन् ।
मकालु खबर
