कारको ठक्करबाट मोटरसाईकल चालक मिश्रको मृत्यु

असार १५, विराटनगर । शनिबार राति बिराटनगरमा कार को ठक्करबाट एक १९ वर्षिय मोटरसाईकल चालकको चालकको मृत्यु भएको छ । 

विराटनगर महानगरपालिका–४ बरगाछी स्थित कोशीराजमार्गमा उत्तरबाट दक्षिणतर्फ जाँदै गरेको बा २० च ७४० नं को सेतो सिल्भर रंगको कारले सोही दिशा तर्फ जाँदै गरेको को ३५प ५६३४ नं को मोटरसाइकललाई ठक्कर दिँदा मोटरसाइकल चालकको मृत्यु भएको हो । 

null

कारको ठक्करबाट गम्भिर घाईते भएका मोटरसाइकल चालक विराटनगर महानगरपालिका–१२ बस्ने १८ वर्षका शंकर कुमार मिश्रको उपचारको क्रममा बिराट नर्सिङ होममा मृत्यु भएको हो । 

स्थानीय गुण्डा नाइके भनेर चिनिने ठक्कर दिने कार चालक किरण लामा दमकका केही युवासहित विराटनगर एयरपोर्ट मोडमा बसेका थिए । लामाले हृयाजट्याग हाेटलमा मापसे गरी होटलमा मिश्रसँग विवाद हुँदा मिश्र होटलबाट निस्केपछी उनलाई पिछा गर्दै बरगाछी चोकमा मिश्रको मोटरसाइकललाई ठक्कर दिएको प्रहरीले दाबी गरेको छ । 

घटना घटाए फरार भएको लामाले कार भने विराटनगर महानगरपालिका–६ स्थित आफ्नै घरको कम्पाउण्डभित्र लुकाएर राखिएकाे अवस्थामा फेला पारिएकाे  प्रहरीले जनाएकाे छ ।  

फरार रहेका लामालाई उनको घरमा खोज तलास गर्दा प्रहरीलाई अवरोध गरेपछि नाताले लामाको भाई पर्ने मेलिस लामा समेत पक्राउ गरेको छ ।प्रहरीले उनको कारलाई नियन्त्रणमा लिई फरार लामाको खोजीकार्य गरी रहेको जनाएको छ । 

मृतक मिश्रका बुबा एक टेम्पो चालक हुन् मिश्रको मृत्युपछी लामालाई तत्काल पक्राउ माग  गर्दै स्थानिय टेम्पो चालकहरुले आईतबार दिउँसो विराटनगरको मुख्य सडक समेत केही समयकाे लागि बन्द गरेका थिए ।