राष्ट्रिय मावि शोशीको स्वर्ण महोत्सवको तयारी

“

शुक्रनगर, चैत १४ । भरतपुर महानगरपालिका वडा नम्बर २५ मा रहेको राष्ट्रिय माध्यमिक विधालय शोशीको स्वर्ण महोत्सवको तयारी पूरा भएको छ ।

महोत्सवको उद्घाटन यही चैत १५ गते हुने विधालय व्यवस्थापन समितिका अध्यक्ष काशी न्यौपानेले जानकारी दिए । उनले भने, ‘१५ गते स्वर्ण महोत्सवको उद्घाटन माओवादी केन्द्रका अध्यक्ष पुष्पकमल दाहालबाट हुनेछ ।’

न्यौपानेका अनुसार स्वर्ण महोत्सव साताव्यापी कार्यक्रम हुनेछ । १६ गते अभिभावक तथा विधार्थीबीच मनोरञ्जनात्मक खेलकुद कार्यक्रम हुने उनले बताए ।

महोत्सवको अवसरमा १८ गते रक्तदान र १९ गते स्वास्थ्य शिविरको आयोजना गरिएको भूतपूर्व विधार्थी मञ्चका अध्यक्ष केशव बस्यालले बताए । स्वर्ण महोत्सवमा राष्ट्रिय तथा स्थानीय कलाकारहरुले प्रस्तुति दिनेछन् ।

“