नक्कली मदिरा सेवनबाट १७ जनाको मृत्यु, ४० जना बिरामी

जेठ १५, नयाँ दिल्ली । भारतमा नक्कली मदिरा सेवनबाट १७ जनाको मृत्यु भएको छ भने ४० जना बिरामी परेका छन् । 

उत्तर प्रदेशको राजधानी लखनउबाट करीब ५८ किलोमिटर पूर्वको बाराबंकी जिल्लास्थित रामनगर क्षेत्रमा नक्कली मदिरा सेवन गरेका कारण १७ जनाको मृत्यु भएको हो । 

null

बिरामी परेका ४० जनाको विभिन्न अस्पतालमा उपचार भइरहेको भारतीय सञ्चार माध्यमहरुले जनाएका छन् । 

सन् २०११ को डिसेम्बरमा पनि पश्चिम बङ्गालमा नक्कली मदिरा सेवनका कारण एक सय ७२ जनाको ज्यान गएको थियो।