गुडिरहेको ट्रकमा बम प्रहार हुँदा चालक घाइते, मकवानपुरमा २ वटा गाडी जलाइयो
मकालु खबर
जेठ १३, काठमाडौं । नवलपरासीमा नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्ताहरुले गुडिरहेको ट्रकमा पेट्रोल बम प्रहार गरेका छन् ।
दाउन्नेबाट नारायणगढतर्फ सिमेन्ट बाकेर आउँदै गरेको लु२ख १०८ नम्बरको ट्रकमा बिहान २ बजे बम प्रहार भएको हो । अरुणखोलाको जंगलमा सोमबार बिहान ट्रकमा बम प्रहार हुँदा चालक दमौलीका ३३ वर्षीय अमर विक घाइते भएका छन् ।
null
बम प्रहारबाट शरीरका केहीभाग डढेको घाइते विकको अहिले अरुणखोलास्थित मनकामना पोलिक्लिनिकमा उपचार भइरहेको प्रहरीले जनाएको छ ।
बम प्रहारबाट ट्रक जलेर नष्ट भएको छ ।
यसैगरी मकवानपुरमा पनि २ वटा गाडी जलाइएको छ । मकवानपुरको थाहा नगरपालिकामा सोमबार बिहानै ४ बजे थाहा नगरपालिका १ कुन्छालनजिकै ना६ख ८००७ नम्बरको आइचर गाडी र त्रिभुवन राजपथअन्तर्गत हेटौंडाको चौकीटोलस्थित प्रहरी चौकीनजिकै ना७ख ९४९३ नम्बरको मिनी ट्रक जलाइएको हो । आगजनीबाट गाडी पूरै जलेर नष्ट भएको छ ।
घाइते चालक अमर विक
मकालु खबर
