सुनको भाउ ह्वातै बढ्यो, आजबाट फेरि नयाँ रेकर्ड कायम गर्यो

फागुन २१, काठमाडौं । बुधबार नेपाली बजारमा सुनको भाउले पुरानो रेकर्डलाई तोड्दै  नयाँ रेकर्ड कायम गरेको छ । बुधबार तोलामा एक्कासी २ हजार २ सय रुपैयाँ बृद्धी भई सुनको भाउले आज  नयाँ रेकर्ड कायम गरेको हो ।   

मंगलबार प्रतितोला ७८ हजार ३ सय रुपैयाँले कारोबार भएको छापावाल सुन आज प्रतितोला ८० हजार ५ सय रुपैयाँले कारोबार भईरहेको नेपाल सुनचाँदी व्यवसायी महासंघले जनाएको छ ।   

त्यसैगरी महासंघका अनुसार बुधबार तेजाबी सुनमा पनि तोलामा २ हजार २ सय रुपैयाँ बृद्धी भई प्रतितोला ८० हजार २ सय रुपैयाँले कारोबार भईरहेको छ ।   

मंगलबार प्रतितोला   ८ सय ६० रुपैंयामा बिक्रीबितरण  भएको  चाँदीमा पनि  आज तोलामा २० रुपैयाँ बृद्धी भई प्रतितोला ८ सय ८० रुपैयाँ भएको महासंघले जनाएको छ ।