प्रदिप र जसिताको ‘लभ स्टेशन’ पायो एकल रिलिज

चैत्र  २२, काठमाण्डौँ । हरेक हप्ताको शुक्रबार नेपाली फिल्मको रिलिज मिति परम्परालाई धान्दै यो हप्ता ‘लभ स्टेशन’ प्रदर्शनमा आएको छ । फिल्म भिड्ने/भिडाउने क्रममा दुई/तिन हप्ता देखी लगातार हलमा दुई वा तिन फिल्म एकसाथ जुध्दै आई रहेको अवस्थामा यो हप्ताको शुक्रबार भने नायक प्रदिप खड्का र नायिका जसिता गुरुङद्वारा अभिनित फिल्म ‘लभ स्टेशन’ ले भने एकल रिलिज मिति पाएका  हुन् । 

null

निर्देशक उज्ज्वल घिमिरेद्वारा निर्देशित फिल्म ‘लभ स्टेशन’लाई गोविन्द शाहीले निर्माण गरेका हुन् । यस फिल्ममा नायक प्रदिप र नायिका जसिता सँगै अन्य कलाकार रमेश बुढाथोकी, प्रकाश शाह, रेशु भट्टराई, विनोदकुमार पौड्याल, प्रिया रिजाल, सरु विष्ट, रवि डंगोल, दिनेश काफ्ले, कालु रानाको मुख्य मुख्य भुमिका रहेको छ । 

यो भन्दा अगाडी नायक प्रदिक र नायिका जसिताले फिल्म ‘लिलिबिली’ मा एकसाथ काम गरेका थिए । उक्त फिल्ममा यी दुईको जोडीलाई दर्शकले अति रुचाउनुको साथै त्यस फिल्मले  राम्रौ व्यापार गरेको थियो । 

आजबाट रिलिजमा आएको यस फिल्म देशको १०१ वटा हल लाग्ने निर्माणकर्ता गोविन्द शाहीले बताएका छन् । सांगीतिक प्रेम कथामा आधारित यस फिल्मले मल्टिप्लेक्समा समेत उच्च शो पाएको छ ।