प्रदेश १ स्तरीय एथलेटिक्स निर्णायक तालिम विराटनगरमा सुरु
विराटनगर, माघ २९ । मोरङ जिल्ला खेलकुद विकास समितिले विराटनगरमा प्रदेश १ स्तरीय एथलेटिक्स निर्णायक तालिम सुरू गरेको छ ।
मोरङ जिल्ला खेलकुद विकास समितिको आयोजना तथा मोरङ एथलेटिक्स संघको सहकार्यमा ३ दिने प्रदेश १ स्तरीय ‘एथलेटिक्स निर्णायक तालिम’ सोमबारदेखि सुरू भएको छ ।
एथलेटिक्स खेलमा नयाँ प्राविधिक कुरादेखि लिएर खेल्ने खेलाउने नियम परिवर्तन हुँदै आएको सन्दर्भमा समितिले तालिम आयोजना गरिएको आयोजकले जनाएको छ ।
null
देश संघीयतामा गइरहँदा खेलकुदलाई समेत त्यसै अनुरुप बनाउनु पर्ने हुँदा अब यस प्रदेशमा रहेका प्रशिक्षक, पूर्व खेलाडी र निर्णायकलाई नयाँ प्राविधिक कुराको जानकारी दिन कार्यक्रम गरिएको हो ।
तालिममा प्रदेश १ का विभिन्न जिल्लाबाट ४१ जनाको प्रतिनिधित्व रहेको कार्यक्रमका संयोजक तथा मोरङ जिल्ला खेलकुद विकास समितिका अध्यक्ष किशोरलाल अमात्यले बताए ।