नेबिको सुगर फ्री डाइजेस्टिभ गिफ्ट फेमेली प्याक बजारमा

कात्तिक ६, काठमाडौं । नेबिको प्रा.लि.ले नयाँ बिस्कुट बजारका ल्याएको छ । बिस्कुट तथा कन्फेक्सनरी उत्पादन तथा बिक्री–वितरण गरिहेको नेबिकोले नेबिको सुगर फ्री डाइजेस्टिभ गिफ्ट फेमेली प्याक सार्वजनिक गरेको हो ।   

३६० ग्राम तौलमा रहेको नेबिको सुगर फ्री डाइजेस्टिभले नेपाली उपभोक्ताको मन जित्ने कम्पनीले दावी गरेको छ ।   

उपभोक्ताको चाहना र समय सापेक्ष गुणस्तरलाई विशेष ध्यानमा राखी यो बिस्कुट गिफ्ट फेमिली प्याकमा सार्वजनिक गरिएको कम्पनीले जनाएको छ ।   

विदेशबाट आयातित एयर टाइट कार्टुनमा प्याकेजिङ गरिएको उक्त प्याकको हाललाई बजार मूल्य दुई सय रुपैयाँ तोकिएको छ ।   

उपभोक्ताको पाचन प्रणालीको सहजीकरण, तौल नियन्त्रण, सन्तुलन एवं मधुमेह भएका र नभएका उपभोक्ताको स्वास्थ्यलाई पनि ध्यानमा राखेर उक्त प्याक बजारमा सार्वजनिक गरिएको हो ।