७ करोड ६७ लाख नक्कली भारुसहित पक्राउ परेका ६ जना सार्वजनिक

जेठ १०, काठमाडौं । प्रहरीले त्रिभुवन अन्तर्राष्ट्रिय विमानस्थलबाट नक्कली भारु ७ करोड भन्दा बढी रकमसहित पक्राउ परेका ६ जनालाई सार्वजनिक गरेको छ ।उनीहरुलाई शुक्रबार दिउँसो प्रहरीले सार्वजनिक गरिएकाे हो । 

शुक्रबार दिउँसो प्रहरीले विमानस्थलबाट नक्कली भारु ७ करोड ६७ लाख ९४ हजार रुपैयाँसहित ६ जनालाई पक्राउ गरेको थियो । 

null

पक्राउ पर्नेमा पाकिस्तानी नागरिकमा नासिर उद्दिन, मोहमत अतर र नादिया अम्बर रहेका छन् । उनीहरुसँगै युनुस अन्सारीसहित ३ जना नेपाली पनि पक्राउ परेका छन् । पाकिस्तानीलाई लिनका लागि ३ नेपाली विमानस्थल पुगेका थिए । 

युनिस अन्सारी पूर्वमन्त्री सलीममिया अन्सारीका छोरा हुन् । नेसनल टेलिभिजनका सञ्चालकसमेत थिए युनिस । उनी यसअघि पनि नक्कली भारतीय रुपैयाँ कारोबार र लागूपदार्थ कारोबार गरेको आरोपमा पक्राउ परिसकेका व्यक्ति हुन् । 

प्रहरीले पक्राउ परेको सूचना अघि नै जारी गरिसकेको थियो । दुई वटा व्रिफ केसमा बरामद नोट भने गणना गरेपछि मात्रै परिणाम सार्वजनिक गरेको हो । 

उनीहरु कतार एयरवेजबाट पाकिस्तानबाट नेपाल आएको प्रहरीले जनाएको छ ।