रत्ननगरबाट ८ जुवाडे पक्राउ

साउन १८ चितवन । पूर्वी चितवनको रत्ननगरबाट ८ जना जुवाडे पक्राउ परेका छन् । 

उनीहरुको साथबाट नगद ४४ हजार ३७० रुपैया समेत बरामद भएको छ । रत्ननगर ३ विद्युत डाँडा जीतमान मोक्तानको घर पछाडीको पछाडी पट्टी तास खेलिरहेको अवस्थामा उनीहरुलाई पक्राउ गरिएको इलाका प्रहरी कार्यालय टाँडीका प्रमुख डिएसपी सन्तोष आचार्यले जानकारी दिए । 

null

उनीहरुको साथबाट ३ बुक तास पनि बरामद भएको छ । पक्राउ पर्नेहरुमा दिनेश रेग्मी, टेकवहादुर डुम्जन, शिव पौडेल, उमेश ठकुरी, विष्णु श्रेष्ठ, क्षेत्रध्वज थापा, विजय पौडेल र शंकर खड्का रहेका डिएसपी आचार्यले वताए । 

यसैबीच रत्ननगर ६ मा घरको छतबाट खसेर एक जनाको मृत्यु भएको छ । आफ्नै निर्माणाधिन घरबाट खसेर स्थानीय चित्रनाथ अधिकारीको मृत्यु भएको जिल्ला प्रहरी कार्यालय चितवनका प्रवक्ता एकनारायण कोईरालाले जानकारी दिए । 

छतबाट खसेर गम्भीर घाईते भएका अधिकारीलाई उपचारका लागि भरतपुर लैजादै गर्दा बाटोमा मृत्यु भएको कोईरालाले वताए ।