सलमानले मिका सिंहका कारण किन रद्द गरे क्यानडा र अमेरिकाको भ्रमण ?

भाद्र २३, भारत ।  बलिउड नायक सलमान खान यो महिनाको सुरुवातमा क्यानडा र अमेरिकाको केही शहरमा टुर गर्ने योजनामा थिए ।  

यतिबेला उनी आफ्ना प्रशंसकहरुसँग केही सेसन्स गर्ने तयारीमा थिए र उक्त कार्यक्रममा एउटा विशेष भेट पनि हुने कार्यक्रम निश्चित थियो । तर अब सलमानले उक्त भ्रमण रद्द गरेको घोषणा गरेका छन् । अब यो अर्को वर्ष हुने बताइएको छ । स्रोतले भन्यो, ‘सलमान खान यो कार्यक्रममा गायक कमाल खानसँग जाँदै थिए र मिका सिंहले पनि उनीहरुलाई जोइन गर्दै थिए ।’ 

मिकाका कारण लिए यस्तो निर्णयः 

गायक मिका सिंहले पाकिस्तानमा प्रस्तुती दिएका कारण विवादमा छाएका थिए । मिकाले निर्मातासँग कुरा गरेर समस्या सुल्झाए पनि यसको चर्चा अझै सेलाएको छैन । सलमानको समूहलाई उक्त कार्यक्रमले कस्तो प्रतिक्रिया पाउला भनेर थाहा नभएपछि कार्यक्रम नै रद्द गरेको बताए । 

कामको कुरा गर्ने हो भने सलमान आजकाल ‘दबंग थ्री’ को सुटिङ गरिरहेका छन् । त्यसपछि उनी ‘बिग बस १३’ मा काम सुरु गर्नेछन् । एजेन्सी