आधी रातमा यी स्टार्ससँग आलियाको घर पुगे रणवीर कपूर

चैत १, मुम्बई । १५ मार्चमा चुलबुली, प्रतिभाशाली र अवार्ड विजेता अभिनेत्री आलिया भट्टको जन्मदिन पर्छ । आलिया यो वर्ष आफ्नो २६ औँ जन्मदिन मनाइरहेकी छिन् । सो अवसरमा बिहीबार राति रणवीर कपूर, करण जौहर र केही विशेष व्यक्तिहरु आलियालाई जन्मदिनको शुभकामना दिन पुगेका थिए । 

रणवीर र आलिया हाल आफ्नो चलचित्र ब्रह्मास्त्रलाई लिएर चर्चामा छन् । साथै दुवै जनाको रिलेशनशिपलाई लिएर पनि उनीहरुको चर्चा चलिरहन्छ । 

null

आलिया आफ्नी आमा सोनी राजदान र बहिनी शाहीन भट्टको नजिकै छिन् । आलियाको अर्को रोचक कहानी के छ भने उनी धेरैजसो जेन्ट्स परफ्युम प्रयोग गर्छिन् । अहिले पनि उनी हवाई यात्रा गर्दा नर्भस हुन्छिन् । शाहरुख खान, शाहिद कपूर र रणवीर कपूर आलियाका क्रश हुन् । आलियाकाे निकनेम आलु हो । 

१९९९ मा अक्षय कुमार र प्रीति जिन्टाको चलचित्र संघर्षबाट बाल कलाकारका रुपमा आफ्नो चलचित्र यात्रा सुरु गरेकी आलिया भट्टले २०१२ मा फिल्म स्टूडेन्ट अफ द इयर बाट एक अभिनेत्रीका रुपमा डेब्यू गरेकी थिइन् । 

करण जौहर पनि उनलाई जन्मदिनको शुभकामना दिन पुगेका थिए । करण जौहर आलियालाई आफ्नी छोरी मान्छन् । 

आफ्नो दमदार अभिनयले बलिउडमा आफ्नो छुट्टै पहिचान बनाउन सफल आलियाका लागि अहिले चलचित्रको लाइन लागेको छ । 

२ स्टेट्स, हम्प्टी शर्माकी दुल्हनिया, शानदार, कपूर एण्ड सन्सु, उडता पञ्जाव, डियर जिन्दगी र बद्रीनाथ की दुल्हनिया देखि लिएर राजी र गली बाय सम्मको सफरमा आलिया एकदमै डिमान्डिङ अभिनेत्री बनिसकेकी छिन् । प्रदर्शनमा आउन लागेको उनको अर्को चलचित्र ब्रह्मास्त्रका निर्देशक अयान मुखर्जी पनि उनलाई जन्मदिनको शुभकामना दिने पुगेका थिए ।