चितवनमा छोरा र ज्वाई मिलेर बुबाको हत्या

“

चितवन, साउन ४ । चितवनको पदमपुरमा आज एकजनाको हत्या भएको छ । जिल्ला प्रहरी कार्यालय चितवनका प्रहरी उपरीक्षक दिपक थापाले दिएको जानकारीअनुसार कालिका नगरपालिका २ पदमपुरका ५० वर्षीय भुमिनन्द दुलालको हत्या भएको हो । हत्यामा उनका छोरा अञ्जन दुलाल, ज्वाई टेकबहादुर बुढासहितका व्यक्तिहरुको संलग्नता रहेको पाईएको प्रहरीले जनाएको छ ।

उनलाई धारिलो हतियार प्रयोग गरी हत्या गरिउको हो । टाउको हतियारले हानेको गम्भिर चोट रहेको थापाले जानकारी दिए । दिउँसो हत्या गरी सेतोकपडाले छोपेको अबस्थामा प्रहरीले साँझ घरमै शव फेला पारेको हो । अहिले घटनास्थलमा प्रहरी पुगेको छ । विगतमा उनीहरु घरमा झैझगडा समेत गर्ने गरेका स्थानियले बताएका छन् । प्रहरीका अनुसार पारिवारिक झगडाका कारण मदिरा पिएर उनको हत्या भएको प्रारम्भिक अनुसन्धानले देखाएको छ ।

“