डिजिटल प्रणाली मार्फत रत्ननगरमा घर नक्सापास

जेष्ठ २२,चितवन । चितवनको रत्ननगर नगरपालिकाले नगरवासीहरुको सहजताका लागि डिजिटल घर नक्सापास प्रणालीको सुरुवात गरेको छ । 

सुचना तथा प्रविधिको क्षेत्रलाई विस्तार गर्ने क्रममा नगरपालिकाले बुधवारदेखी यो सेवाको सुभारम्भ गरेको हो । रत्ननगरका मेयर नारायण वनले सो सेवाको औपचारीक शुभारम्भ गरे । 

null

यो सेवाले फाईल हराउने समस्या नहुने, तुरुन्त सेवाग्राहीको विवरण हेर्न मिल्ने, नगरपालिका धाउनु पर्ने झन्झट नहुने, कसको कारणले फाईल रोकियो त्यो थाहा पाईने नगरपालिकाका इन्जिनियर नमेश गुरुङले जानकारी दिए । 

एउटा घर सम्पन्न हुँदा चार पटक सम्म नगरपालिका जानु पर्छ । कन्सल्टेन्सीले अनलाईनमा विवरण इन्ट्री गरेपछि नगरपालिकाको इन्जिनियरले ठिक भए नभएको जाँच गर्छन् । ठिक भए अमिन हुदै सव ओभरसियरपछि प्रमुख इन्जिनियर समक्ष फाईल पुरयाउनु पर्छ । डिजिटल घर नक्सापास प्रणाली सेवाको सुभारम्भ गर्दै रत्ननगरका मेयर नारायण वनले सुचना प्रविधिमा रत्ननगरलाई अव्वल वनाउने वताए । स्मार्ट सिटी वन्न सुचना प्रविधि एक महत्वपुर्ण अंग हो मेयर वनले भने – यसमा लगानी अनुसारको प्रतिफल भने प्राप्त हुनुपर्छ । 

मेयर वनले रत्ननगरले सुचना प्रविधिको क्षेत्रमा ठुलो लगानी गरेपनि सोचे जस्तो प्रतिफल आउन नसकेको वताए । नगरपालिकाका सुचना तथा प्रविधि अधिकृत रवि तिवारीका अनुसार रत्ननगरमा ४२ फिचर समेटिएको मोवाईल एप, फ्रि वाईफाई, अनलाईनबाट घटना दर्ता, अनलाईन वोलपत्र , डिजिटल हाजिरीको प्रयोग भईसकेको छ । सेवा सुभारम्भ कार्यक्रममा नगरपालिकाका प्रमुख प्रशासकीय अधिकृत टुवराज पोखरेल, आईटी विज्ञ राम रिमाल,इलाका प्रहरी कार्यालय टाँडीका डिएसपी सन्तोष आचार्य, रत्ननगर ५ का वडाध्यक्ष कृष्ण महतो लगायतले मन्तव्य राखेका थिए ।