दुई मोटरसाइकल एकापसमा ठोक्किँदा एकको मृत्यु

पोखरा, पुस २१ । पोखराको छोरेपाटनबाट लामाचौरतर्पm गइरहेको ग ३ प ३०६८ नंको मोटरसाइकल र विपरीत दिशातर्पmबाट आइरहेको नम्बर नखुलेको पल्सर मोटरसाइकल आज पोखरा लेखनाथ महानगरपालिका–१६ दीपमा एकापसमा ठोक्किँदा एक जनाको मृत्यु भएको छ ।

जिल्ला प्रहरी कार्यालय कास्कीका अनुसार दुर्घटनामा ग ३ प ३०६८ नंको मोटरसाइकल चालक पर्वतको त्रिवेणी गाउँपालिका–७ बस्ने ४४ वर्षीय कुलबहादुर राना सख्त घाइते भई उपचारको लागि फिस्टेल अस्पताल ल्याइएकोमा उनको उपचारको क्रममा मृत्यु भएको हो ।

छोरेपाटनबाटै लामाचौरतर्पm गइरहेको ग १ ख ६४५१ नंको माइक्रोबस र सोही दिशाबाट गइरहेको सो मोटरसाइकलले माइक्रोबसलाई उछिन्न खोज्दा विपरीत दिशाबाट आएको मोटरसाइकलसँग ठोक्किएर मोटरसाइकल अनियन्त्रित भएर बसको टायरमा पर्न गएको बताइएको छ ।

फरार पल्सर मोटरसाइकल चालकको खोजी भइरहेको प्रहरीले जनाएको छ ।