भिटेन पक्राउ

कार्तिक ७, काठमाडौँ । चर्चित र्‍यापर तथा गायक  समिर तामाङ ‘भिटेन’ पक्राउ परेका छन् । गीतमा भएका आपत्तीजनक शब्दका कारण पक्राउ परेको महानगरीय प्रहरी अपराध महाशाखाले जानकारी दिएका छन् ।   

महाशाखाका अनुसार उनको निकै चर्चित रहेको गीत ‘ हामी यस्तै त हो नी ब्रो’ मा  भएको आपत्तीजनक शब्दको कारण उनलाई नियन्त्रणमा लिईएको हो ।  भिटेनलाई जाउलाखेलबाट नियन्त्रणमा लिर्ईएको महाशाखाका प्रमुख एसएसपी सहकुल थापाले जानकारी दिएका छन् ।   

यस अघी पनी तिहारको लक्षित गरेर सार्वजनिक गरिएको ‘ह्याप्पी तिहार, चिसो बियर’ गीतका कारण गायक दुर्गेश थापा पक्राउ परेका थिए ।   

सार्वजनिक गरिएको उक्त गीतमा  समाजमा बिकृती नै पैदा गर्ने खालको शब्द भएको भन्दै प्रहरीले उनलाई पक्राउ गरेको थियो । पछि उनलाई प्रहरीले उक्त गीतमा भएको नकरात्मक शब्द हटाएपछी छाडेका थिए ।