पोल खुल्ने डरले कुकुरलाई स्कूटरमा घिसारेर हत्या

भारतको गजियाबादस्थित एक कुकुरलाई पटकपटक बलात्कारपछि स्कूटरले घिसारेर हत्या गरिएको छ । स्रोतका अनुसार गजियाबादका दुई पुरुषले कुकुरलाई बलात्कार गरेपछि स्कूटर पछाडि बाँधेको र नमरुञ्जेल घिसारिरहे । गजियाबाद पुलिसले एक आरोपीलाई शनिबार पक्राउ गरेको छ । 

सामाजिक कार्यकर्ता रुचिन मेहराका अनुसार मानिसहरुले दुई युवकले कुकुर घिसारिरहेको देखेपछि उनीहरुलाई दुबैलाई पक्राउ गर्न खोजेपछि एकजना भाग्न सफल भएका छन् । उनका अनुसार कुकुरको धेरैजसो छाला फुटिसकेका थिए । उनले भने, ‘हामीले कुकुर र आरोपीलाई पुलिस स्टेशन पुर्यायौं । 

मुद्दा दर्ता गरेपछि अपराधीलाई पक्राउ गरियो ।’बरिष्ठ पुलिस अधिकारीले भने, ‘एक आरोपीको पहिचान मोहम्मद नफिसको रुपमा भएको छ, जो शहिद नगर निवासी हुन् । 

null

आरोपीले आफ्नो अपराध कबूल गरेका छन् । उनले आफ्नो सहयोगीको नाम मोहम्मद तोसिम बताएका छन् जो त्यसै इलाकाका निवासी हुन् । कुकुरलाई मार्नुअघि यी दुई आरोपीले कुकुरमाथि पटकपटक बलात्कार गरे ।’ सोधपुछको क्रममा आरोपीले कुकुरले इलाकामा थुप्रै मानिसहरुलाई टोकेकाले त्यसलाई इलाकाबाट बाहिर निकाल्न र पाठ पढाउनलाई स्कूटरमा घिसारेको पुलिसलाई जानकारी दिए । 

द पायनियरका अनुसार इन्सपेक्टर साहिबाबाद पुलिस स्टेशन रण सिंहले भने, ‘हामीले आरोपीलाई पक्राउ गरेका छौं र उसका आरोपी साथीलाई पक्राउ गर्ने प्रयास गरिरहेका छौं । एजेन्सी ।