कांग्रेसले राजनीतिक दाउपेचलाई केन्द्रमा राख्दा संसद बैठक स्थगित: सुनुवार

असार ३०, काठमाडाैँ । ओखलढुंगाबाट निर्वाचित नेकपाका सांसद यज्ञराज सुनुवारले संसद बैठक अवरुद्ध गरेकोमा गम्भिर आपत्ति जनाए । 

जिल्लाका नेकपाका सांसदहरुले रिपोर्टर्स क्लब नेपालले आयोजना गरेको साक्षात्कारमा बोल्दै उनले  भने,‘बैठक सुरु नै नभईकन अचानक स्थगित गरियो । सम्माननीय सभामुख भन्नुपर्ने बेलामा आदरणीय क्लबका सभापति ऋषि धमलाज्यू भन्नुपरेको छ । म ऋषिजीलाई धन्यवाद भन्न चाहन्छु ।’ 

null

राष्ट्रिय विपतिको बेलामा संसद बैठक बसेर आफ्ना कुरा राखौंला भन्ने चाहना पुरा नभएकोमा उनले कडा आक्रोश पोखे । उनले भने,‘संसदको नियमित बैठक बस्ला र आफ्ना कुरा राखौंला भनेको त बैठक स्थगित गरियो । यसमा हाम्रो गम्भिर आपत्ति छ । कांग्रेसले जुन रवैया देखायो, यो गलत छ ।’ 

कांग्रेसले राजनीतिक दाउपेचलाई केन्द्रमा राखेर संसद बैठक स्थगित गरेको भन्दै उनले गम्भिर आपत्ति जनाए । उनले भने,‘म कांग्रेसको यो रवैयाको घोर आपत्ति जनाउँछु ।’ आफू ७२ घण्टा लगाएर संसद बैठकमा जनताका दुःखका कुरा राख्छु भनेर ज्यान दाउमा लगाएर आएको सुनाउँदै सुनुवारले भने,‘तर, बैठक स्थगित गरियो । यसमा म सभामुख लगायत प्रतिनिधिसभाको नेतृत्व गर्नेहरुको आलोचना गर्छु ।’ 

उनले उद्धार तथा राहतको लागि सरकारको काम अझै प्रभावकारी हुनुपर्ने बताए । उनले भने,‘अहिलेपनि काममा ढिलासुस्ती भैरहेको छ । अहिले त संसदमा यो विषयमा गम्भिर बहस हुनुपर्ने थियो । तर, बैठक बस्नै नदिई स्थगित् गरियो । यो षडयन्त्र हो ।’ 

अहिलेपनि बाढि, पहिरोका कारण राजमार्ग तथा बाटाघाटाहरु अवरुद्ध हुँदा हजारौं यात्रुहरु अलपत्र परिरहेको सुनाउँदै उनीहरुको तत्काल उद्धार गर्न सरकारले आफ्नो संयन्त्र परिचालन गर्नुपर्ने उनको भनाई छ । 

सुनुवारले २०७४ असोज ९ गते पारित भएको विपत जोखिम तथा न्यूनिकरण व्यवस्थापन सम्बन्धी विद्येयक अनुसार अहिलेसम्म प्राधिकरण गठन नभएकोमा गुनासो पोखे ।