रवि लामिछानेका समर्थक र प्रहरीबीच झडप, पाँच प्रहरी घाइते

साउन ३१, चितवन । जिल्ला प्रहरी कार्यालय चितवन अगाडि प्रर्दशनमा उत्रिएका पत्रकार रवि लामिछानेका समर्थक र प्रहरीविच झडप भएको छ । झडपमा परी पाँच प्रहरी घाइते भएका छन् भने  प्रर्दशनकारी तर्फको विवरण प्राप्त भएको छैन । 

उक्त झडपमा प्रहरीले केही राउण्ड अश्रुग्याँस प्रहार गरेको छ । कार्यालयमै ढुङ्गामुडा गरेपछि अश्रुग्याँस प्रहार गरेको जिल्ला प्रहरी कार्यालय चितवनले जानकारी दिएको छ । पत्रकार  रवि लामिछानेका समर्थकले टेण्ट टाँगेर जिप्रका अगाडिनै बस्ने प्रयास गरेका थिए । साँझसम्म दर्जनौको सङख्यामा प्रर्दशनकारीले जिप्रका अगाडिको परिसर छाडेका थिएनन् । समर्थकले दिनभर प्रर्दशन गरेका छन् ।