इटाली घुमेर साउदी पुगेका एक अमेरिकी नागरिकमा देखियो कोरोना

फागुन २६, काठमाडौं । साउदी अरेबियामा रहेका एक अमेरिकी नागरिकलाई कोरोना संक्रमण भएको छ । 

साउदी स्वास्थ्य मन्त्रालयले यसको पुष्टि गरेको छ । साउदी स्वास्थ्य मन्त्रालयले सोमबार जारी गरेको विज्ञप्तिमा उल्लेख भएअनुसार संक्रमण देखिएका अमेरिकी नागरिक फिलिपिन्‍स र इटाली घुमेर साउदी अरेबिया पुगेका थिए । अहिले उनको राजधानी रियादस्थित अस्पतालमा उपचार सुरु गरिएको छ । उनको नाम भने सार्वजनिक गरिएको छैन । 

साउदी अरेबियामा हालसम्म १५ जनालाई कोरोना संक्रमण देखिएको छ ।