फौजी बन्ने सोच भएका मोदी कसरी बने प्रधानमन्त्री ? अक्षयसँग खोले रहस्य

बैशाख ११, नयाँ दिल्ली । भारतीय प्रधानमन्त्री नरेन्द्र मोदीले बलिउड अभिनेता अक्षय कुमारसँग आफ्नो व्यक्तिगत जीवनसँग जाेडिएका केही हिस्साहरु सेयर गरेका छन् । 

अन्तर्वार्ता लिन पुगेका अक्षय कुमारसँग प्रम मोदीले आफ्ना सुख दुःखका कुराहरु राखेका हुन् । 

null

अन्तर्वार्ताको क्रममा मोदीले भनेका छन्, ‘पीएम बन्ने मेरो सोच थिएन । मलाई फौजीको जीवनले निकै प्रभावित बनाएका कारण मेरो फौजी बन्ने इच्छा थियो । तर मेरो त्यो इच्छा पुरा हुन सकेन । सहि बाटो देखाउने व्यक्ति पनि कोहि नभएका कारण म निकै भड्किएँ । बाटो भड्किएरै पीएम बने ।’ 

अन्तर्वाता लिने समयमा अक्षयले पनि कतिपय आफ्ना व्यक्तिगत सुख दुःख का अनुभवहरु साटेको भारतीय सञ्चार माध्यमहरुले उल्लेख गरेका छन् । अक्षयले पीएम मोदीसँग आफ्नो पनि इच्छा हिरो बन्ने नभएको कुरा राखेका थिए । 

यो अन्तर्वार्तालाई कति दर्शकले मन पराएका छन् भने कतिले सेलिब्रटीको पैसा कमाउने उपाय भन्दै मजाक उडाएका छन् ।