चलचित्र विकास बोर्डकाे १९ औं बार्षिकोत्सव यी कलाकार भए सम्मानित

असार १६, काठमाडौँ । चलचित्र विकास बोर्ड नेपालकाे संचार तथा सूचना प्रविधि मन्त्री गोकुल प्रसाद बाँस्कोटाको उपस्थितीमा १९ औं बार्षिकोत्सव सम्पन्न गरिएकाे छ । 

सोमबार काठमाण्डौमा रहेको बोर्डको आफ्नै भवनमा कार्यक्रम आयोजना गरी १९ औं बार्षिकोत्सव मनाएका हुन् । कार्यक्रममा चलचित्र क्षेत्रको विभिन्न विधामा रहेर काम गरेका १९ जना विशिष्ट चलचित्रकर्मीहरुलाई सम्मानित गरिएको थियो । 

null

कार्यक्रममा पुरानो नायिका भुवन चन्द, नायक भुवन केसी, नायक शिव श्रेष्ठ, निर्देशक लक्ष्मीनाथ शर्मा, निर्माता छविराज ओझा, संगीतकार शम्भूजित बास्कोटा, नृत्य निर्देशक बसन्त श्रेष्ठ, द्वन्द्व निर्देशक राजेन्द्र खड्गी, छायांकार मन्जुकुमार श्रेष्ठ, ध्वनी विज्ञ प्रदीप कुमार उपाध्याय, पोस्टर डिजाइनर सुन्दरलाल श्रेष्ठ, जापानी कलाकार दोशी आखी इतो (जापान), चलचित्र पत्रकार विजयरत्न तुलाधर, यस्तै, विज्ञापन एजेन्सी (आन) का पूर्व अध्यक्ष निर्मलराज पौडेल, प्रदर्शक मोहनलाल सराफ, उत्तम दोहा, राजकुमार पोखरेल, नकिम उद्दिन लागायतको चलचित्रकर्मीलाई सम्मानित गर्नुको साथै कामना पब्लिकेसनलाई पनि सम्मानित गरिएको थियो ।  

कार्यक्रममा चलचित्र विकास बोर्डका पूर्व अध्यक्षहरु यादव खरेल, निर शाह, शम्भूजित बास्कोटा, राजकुमार राई, कृष्ण मल्ल लगायतले सहभागि जनाएका थिए ।