डोल्पामा पहिरोले दुई घर पुरिए

“

डोल्पा, भाद्र ५ । डोल्पामा अबिरल बर्षाका कारण खसेको पहिरोले दुई घर पुरिएको छ ।

पहिरोले स्थानीय राजबहादुर रोकाय र देउरुपा ठकुल्लाको तल्लो डोल्पास्थित मुड्केचुला गाउँपालिका–७ शर्मी गाउँमा घर पुरेको हो । अर्का हरिबहादुर बुढामगरको घर भने भत्केको छ ।

पहिरोले मावनीय क्षति भने नभएको जिल्ला प्रहरी कार्यालय, डोल्पाले जनाएको छ ।

शर्मी गाउँका अधिकांश घर पहिरोको खतरामा छ । व्यवस्थित ठाउँमा बस्ती सार्न अनुरोध गरेतापनि सरकारले चासो नदिएको स्थानीयवासीले बताए ।

“