यसरी अन्त्य हुँदैछ छाउप्रथा
मकालु खबर
बैशाख ११, अछाम । सुदूरपश्चिमको अछाम लगायत विभिन्न जिल्लामा धामीझाँक्री र देवता रिसाउने भन्ने मान्यताका कारण समाजमा विकराल रूप लिएको छाउप्रथा अन्त्यका लागि साँफेबगर नगरपालिका–६ मा अभियान नै सञ्चालन गरिएको छ ।
छाउप्रथा अन्त्यका लागि त्यहाँका स्थानीय बुद्धिजीबी समाजका अग्रणी र त्यहाँका राजनीतिक कार्यकर्ताहरू यतिबेला सक्रियतापूर्वक लागेका छन् ।
null
घरमा छोरी बुहारीलाई महिनावारी हुँदा घरमै सुरक्षित बस्नुपर्छ र आफू सरसफाइ हुनुपर्छ भन्ने चेतना जगाउन आजकल गाउँघरमा विभिन्न कार्यक्रम तथा विद्यालयमा सडक नाटकसमेत गरिँदै आएको छ। घरमा महिनावारी हुँदा छोरी र बुहारीले खाना पकाउनु हुन्न भन्ने सोच हट्दै गएको छ ।
केही वर्ष अगाडि नै गाउँमा छाउपडी गोठमुक्त घोषणा भइसकेपछि त्यहाँ महिनावारी भएका समयमा सबै आमा दिदी बहिनी, छोरी चेलीलाई दूध, दहीसहित पोषिलो आहरा खान सल्लाह दिइन्छ ।
आगामी दिनमा जसले छाउपडी प्रथा मान्छ र मान्न लगाउँछ त्यसलाई नेपालको कानुनअनुसार कारबाही गर्नुपर्ने कतिपय वृद्धाहरु सुनाउँछन् ।
पछिल्लो समयमा नेपालको फौजदारी आचारसहिंताले यस्ता घरेलु हिंसा गर्नेलाई कानुन बमोजिम दण्डित गर्ने बताइएको छ ।
मकालु खबर
