४७ किलो चरेशसहित धादिङमा पक्राउ परे कैलालीका बोहरा

बैशाख २३, काठमाडौं । प्रहरीले एक किलो अफिम र ४७ किलो चरेशसहित धनगढीका एक जनालाई नियन्त्रणमा लिएको छ । 

प्रहरीले कैलालीको धनगढी उपमहानगरपालिका ४ उत्तरबेहडीका ४६ वर्षीय काल्चे बोहरालाई धादिङको गजुरीबाट नियन्त्रणमा लिएको हो । 

null

भारतीय नम्बर प्लेट डीएल ३ सिएडी ७०८१ नम्बरको गाडीमा लुकाई छिपाई तस्करी गरिरहेको अवस्थामा ९७८ ग्राम अफिम र ४७ किलो चरेशसहित बोहरालाई नियन्त्रणमा लिइएको प्रहरीले जनाएको छ । 

उनको साथबाट एक वटा सिमकार्ड, निलो रङको सामसुङ मोबाइल पनि प्रहरीले बरामद गरेको छ। 

उनलाई ‘लागुऔषध नियन्त्रण ऐन २०३३’ अनुसार मुद्दा दर्ता गरेर अनुसन्धान अघि बढाइने प्रहरीले जनाएको छ।