कञ्चनपुरकी दुई महिला माथि महिनावारी भएको बेला घरको बाटो हिंडेको भन्दै कुटपिट
मकालु खबर
२०७६ माघ ५ गते
माघ ५, धनगढी । महिनावारी भएको बेला घरको बाटो हिंडेको भन्दै कञ्चनपुर जिल्लाका दुई महिलामाथि कुटपिट भएको छ ।
जिल्लाको बेल्डाँडी गाउँपालिका १ की ३१ वर्षीया ईश्वरी खड्का र ३६ वर्षीया गीता खड्कामाथि स्थानीय दलबहादुर शाहले कुटपिट गरेका छन् ।
महिनावारी भएको समयमा घर नजिकको बाटो भएर हिंडेको भन्दै स्थानीय शाहले शुक्रबार कुटपिट गरेको पीडित महिलाका आफन्तले बताएका छन् ।
null
इलाका प्रहरी कार्यालय बेल्डाँडीका अनुसार कुटपिटबाट घाइते महिलाहरुको बेल्डाँडी स्वास्थ्य चौकीमा उपचार हुन नसकेपछि धनगढी पठाइएको छ । कुटपिटमा संलग्न दलबहादुरलाई नियन्त्रणमा लिएर थप अनुसन्धान भइरहेको छ ।
कुटपिटबाट घाइते महिलालाई धनगढीस्थित नोभा हस्पिटलमा उपचार भई घर फर्किसकेको प्रहरीको भनाई छ ।
मकालु खबर
२०७६ माघ ५ गते
प्रतिक्रिया
सम्बन्धित