प्रहरीले ‘झुक्किएर’ पक्राउ गरेका पत्रकार संगीत स्रोता रिहा

                                                                                                    पत्रकार संगीत स्रोता 

असार ११, काठमाडौं । प्रहरीले नयाँ पत्रिका दैनिकका पत्रकार संगीत स्रोतालाई पक्राउ गरेको केही समयमा नै रिहा गरेको छ । 

null

आज (बुधबार) दिउँसो प्रदर्शनीमार्गबाट पक्राउ परेका पत्रकार संगीतलाई प्रहरीले झुक्किएर पक्राउ गरेको भन्दै आज नै रिहा गरेको हो । 

आज दिउँसो काठमाडौंको प्रदर्शनीमार्गस्थित आरआर कलेज अगाडिबाट उनलाई  प्रहरीले पक्राउ गरेकाे थियाे। उनीसँगै रसुवाली कवि भनिने ठाकुरप्रसाद तिम्सिना पक्राउ परेका थिए । तिम्सिनालाई पक्राउ गर्ने क्रममा झुक्किएर पत्रकार संगीतलाई पक्राउ गरेको प्रहरीले स्पष्ट पारेको छ । 

प्रतिबन्धित नेत्रविक्रम चन्द विप्लव समूहमा आबद्ध भएको अभियोगमा तिम्सिना यसअघि पनि पक्राउ परेका थिए ।