‘चपली हाइट ३’ मा सौगात र श्रृष्टी

असार ८, काठमाडौँ । ‘चपली हाइट २’ पछी ‘चपली हाइट ३’ बन्ने तयारी भईरहेको छ । 

साउन महिना देखी छायांकन सुरु हुन लागेको चलचित्र ‘चपली हाइट ३’ निर्देशक निकेश खड्काले निर्देशन गर्न लागेको हुन् भने निर्माण अर्जुन कुमारले गर्न लागेका हुन् । 

null

नायक सौगात मल्ल र नायिका श्रृष्टी श्रेष्ठको मुख्य भूमिका रहने भनिएको यस चलचित्रमा सौगातले साउनमा समय दिन भ्याउने वा नभ्याउने बेटुङगो भएका कारण संझौता भने भईनसकिएको निर्माता अर्जुनले जानकारी दिएका छन् । उनले चलचित्रमा अन्य २ नयाँ नायिका लिने तयारी पनि भईरहेको बताएका छन् । 

चलचित्रमा सौगात र श्रृष्टीसँगै प्रतिक श्रेष्ठ, आमिर गौतम पनि मुख्य भूमिकामा रहनुको साथै नायिका प्रियंका कार्कीलाई पनि समावेश गर्न लागिएको निर्माता अर्जुनले जानकारी दिएको छ । 

उनका अनुसार  बिल्कुलै नौलो कथाबस्तुमा तयार हुन लागेको चलचित्र  ‘चपली हाइट ३’ थ्रिलर र ग्ल्यामर कथामा निर्माण हुनेछ । 

चलचित्रको प्रदर्शन मिति भने जाडोको महिना पौष टार्गेट गरिएको छ ।