धरानमा लागूऔषध सहित साही पक्राउ

साउन १३, धरान । धरानमा आइतबार साँझ साढे ५ बजेको सयममा चेकजाँच गर्ने क्रममा लागूऔषध सहित एक २३ वर्षिय युवक पक्राउ परेको छ । 

पक्राउ पर्नेमा धरान २ बस्ने २३ वर्षिय सन्तोष साही रहेको ईलाका प्रहरी कार्यालय धरानले जनाएको छ । 

null

धरान उपमहानगरपालिका ८ स्थित तिनकुनेमा रहेको अस्थाई प्रहरी पोष्टमा सवारी साधन चेकजाँच गर्ने क्रममा साहीलाई पक्राउ गरिएको प्रहरीले जानकारी दिएको छ । 

इटहरीबाट धरानतर्फ जाँदै गरेको यात्रुबाहक बसमा सवार उनलाई उनले बोकेको झोला खोलेर हेर्दा झोलामा लुकाएर राखिएको अवस्थामा प्रतिबन्धित लागूऔषध फेला पारिएको हो । 

पक्राउ परेका उनको साथबाट लुपिजेसिक ७४ एम्पुल, एभिल ७३ एम्पुल र डाईजेपाम ७३ एम्पुल लागू औषध फेला पारिएको प्रहरीले जनाएको छ । 

पक्राउ परेका साहीलाई कारवाहीको लागि अघी बढाई थप अनुसन्धान भईरहेको प्रहरीले जनाएको छ ।