चरेश बोकेको ट्रक सहित चालक नियन्त्रणमा

पुस १६, पर्सा । पचास लाखभन्दा बढी मूल्यको प्रतिबन्धित लागुऔषध चरेससहित पक्राउ परेका २९ वर्षीय एक युवकलाई जिल्ला प्रहरीले सार्वजनिक गरेको छ । 

मकवानपुरको हेटौँडा उपमहानगरपालिका वडा नं १२ पदमपोखरी निवासी ट्रक चालक सागर वललाई वीरगञ्ज महानगरपालिकाको वडा नं ३१ बेलवाबाट एकसय साठी किलो चरेशसहित पक्राउ गरिएको प्रहरी उपरीक्षक रेवती ढकालले जानकारी दिए । 

निजले ना ४ ख २९८५ नंको ट्रकमा चरेश लुकाइ मकवानपुरबाट वीरगञ्जतर्फ आउँदै गरेको पूर्वसूचनाका आधारमा खोजतलास गर्दा उक्त परिमाणको चरेश बरामद भएपछि ट्रक सहित उनलाई नियन्त्रणमा लिइ थप अनुसन्धान थालिएको प्रहरीले जनाएको छ ।  

null