हास्य कलाकारहरूको जम्बो टोलीसहितको ‘चुरीफुरी डटकम’

मंसिर २९, काठमाडौँ । हास्य कलाकारहरुको जम्बो टोलीसहितको वेबसिरिज चुरीफुरी डटकमको सुटिङ्ग प्रारम्भ भएको छ । 

आर्यन फिल्मस् प्रोडक्सन तथा अमेरिकाको बोधी इन्टरटेन्मेन्ट एलएलसीको संयूक्त प्रस्तुतिमा चर्चित कलाकार निर्मल शर्माको निर्देशनमा बोधी एचडिबाट रमाइलो वेबसिरिज ‘चुरीफुरी डटकम’ को सुटिङ्ग प्रारम्भ भएको हो । 

null

टिभीमा प्रसारण अनि भिडियो सामाग्री खोजिको प्रक्रियालाई सरल बनाउँदै बोधी एचडीका लागि कलाकार निर्मल शर्माले यसको निर्देशन गर्न लागेका हुन् । 

रमाइलो वेबसिरिज चुरीफुरी डटकमको एक्जिक्यूटिभ निर्माता रमेश एमके पौडेल हुन् भने निर्मल शर्माको नेतृत्वमा प्रारम्भ यस वेबसिरिजको अर्को निर्माता एमीला लामा रहेकी छिन् । 

उक्त वेबसिरिजको प्रोमोशनल गीतमा वरिष्ठ संगीतकार तथा गायक शम्भूजित बास्कोटाको संगीत रहेको छ भने आवाज पनि बास्कोटाकै छ । भने यसको भीएफएक्स गौतक खड्का र राम चौधरीले गर्नेछन् । मसिंर २८ गते प्रोमोको शुट सम्पन्न भएको निर्माता रमेश एम के पौडेलले जानकारी दिए । 

‘चुरीफुरी डटकम’ मा गजीत बिस्ट, रजनी केसी, केशब भट्टराई, कमलमणी मैनाली, मुकुन्द मैनाली, कबी ज्यू, रबी शर्मा (घाटो), सुनीता श्रेष्ठ, स्वनीका बास्तोला, रितु अस्मीता खनाल, रामेश्वर केसी, सुभाष गजुरेल लगायतका कलाकारहरु रहेका छन् ।