२ करोडको ‘चलखेल’ मा प्रियंका

चैत २०, काठमाडौं । अहिलेकी व्यस्त नायिका तथा मोडेल प्रियंका कार्की चलचित्र ‘चलखेल’ मा अनुबन्धित भएकी छिन् । 

एभरेष्ट सूर्य बोहोराको लेखन तथा निर्देशनमा बन्न लागेको चलचित्र चलखेलका लागि निर्माण यूनिट सिनेमाण्डु इन्टरटेन्मेन्ट र नायिका प्रियंकाबीच लिखित सम्झौता भएको छ । 

null

२ करोड हाराहारीको लागतमा बन्न लागेको चलचित्रको छायांकन जेठमा सुरु गरिने निर्माण टीमले जनाएको छ । कमेडी धारमा बन्न लागेको यो चलचित्रले दर्शकलाई मनोरञ्जन दिने निर्माण टिमको विश्वास छ । 

पछिल्लो समय नायिका प्रियंका कार्की म्युजिक भिडियोमा व्यस्त देखिन्छिन् ।  ‘थ्री लभर्स’ बाट उनले नेपाली चलचित्र क्षेत्रमा कदम राखेकी हुन्  ।