भ्रमण छोट्याएर स्वदेश फर्किइन् राष्ट्रपति

बैशाख १८, काठमाडौं । चीनको राजकीय भ्रमणमा रहेकी राष्ट्रपति विद्यादेवी भण्डारी आज स्वदेश फर्किएकी छिन् । 

चिनियाँ समकक्षी सी चिनफिङको निमन्त्रणामा बेइजिङमा आयोजित ‘अन्तर्राष्ट्रिय सहयोगका लागि दोस्रो क्षेत्र तथा मार्ग मञ्च’ मा सहभागी हुन चीन पुगेकी राष्ट्रपति विद्यादेवी भण्डारी आज स्वदेश फर्किएकी हुन् । उनलाई विमानस्थलमा प्रधानमन्त्री केपी शर्मा ओली, उपराष्ट्रपति नन्दबहादुर लगायतले स्वागत गरेका थिए । 

null

नियमित तालिका अनुसार बिहीबार फर्कने कार्यक्रम थियो तर स्वास्थ्यमा समस्या आएका कारण राष्ट्रपति भण्डारी भ्रमण छोट्याएर एक दिन अघि नै स्वदेश फर्किएकी हुन् । 

बैशाख ११ गते प्रतिनिधिमण्डल सहित चीन प्रस्थान गरेकी राष्ट्रपति भण्डारी राजकीय भ्रमणका क्रममा मंगलबार बेइजिङबाट राष्ट्रपति ल्हासा पुगेकी थिइन् ।