बंगलादेश ‘नेशनल डिफेन्स’का हवाई सुरक्षा उपप्रमुसहितको टोलि जंगी अड्डामा

“

काठमाडौं, साउन १७ । प्रधानसेनापति राजेन्द्र क्षत्रीसँग नेपाल भ्रमणमा रहेको बंगलादेशको नेशनल डिफेन्स कलेजको भ्रमण दलका प्रमुख हवाई सुरक्षा उपप्रमुख एम सनाउल हकले जंगी अड्डामा शिष्टाचार भेटवार्ता गरेका छन् ।

सो अवसरमा उनीहरुबीच द्विपक्षीय हितका विषयमा छलफल भएको थियो । भेटवार्तापछि भ्रमण दललाई युद्ध कार्य निर्देशनालयबाट नेपाली सेनाबारे जानकारीमूलक ब्रिफिङ गराइएको सैनिक जनसम्पर्क निर्देशनालयले जानकारी दिएको छ ।

हककोे नेतृत्वमा २४ सदस्यीय भ्रमण नेपाल भ्रमणको सोमबार (हिजो) लागि काठमाडौं आएको हो ।

टोलीले नगरकोटस्थित सैनिक वार कलेज तथा पोखरास्थित पश्चिम पृतनाको निरीक्षण भ्रमण गर्ने छ ।

छिमेकी मित्रराष्ट्रका उच्चपदस्थ सैनिक अधिकारीको यस किसिमको भ्रमणले दुई देशबीचको सैनिक सम्बन्ध अझ सुमधुर एवं प्रगाढ बनाउन थप मद्दत पुग्ने नेपाली सेनाले विश्वास लिएको छ ।

“