बैङ्क तथा वित्तीय संस्थाहरू पूर्ण रुपमा नियमित सञ्चालन हुने

काठमाडौं । कोरोना भाइरसको जोखिमका कारण बन्द रहेका तथा आंशिकरुपमा सेवा दिँदै आइरहेका बैंक तथा वित्तीय संस्थाहरु अब पूर्णरुपमा नियमित सञ्चालन हुने भएका छन् ।

बुधबार बसेको मन्त्रिपरिषदको बैठकले गरेका निर्णयहरु सार्वजनिक गर्दै सरकारका प्रवक्ता तथा अर्थमन्त्री युवराज खतिवडाले अब बैंक तथा वित्तीय संस्थाहरु पर्णरुपमा खुल्ने जानकारी दिएका हुन् ।

यसअघि एक तिहाइ कर्मचारीहरूमात्रै राखेर बैंकहरूले सीमित शाखाबाट मात्रै सेवा दिइरहेका थिए भने अधिकांश जसो सहकारी संस्थाहरू बन्द थिए। अब बैङ्कका सबै शाखाहरू खुल्ने र सबैले सहजरुपामा सेवा दिन पाउने मन्त्री खतिवडाले बताए ।