माइतीघरबाट पक्राउ परेका ६ विदेशीलाई प्रहरीले अध्यागमन विभागमा बुझायो

काठमाडौं । शनिबारको सरकार विरोधी प्रदर्शनका क्रममा माइतीघर मण्डलाबाट पक्राउ परेका ६ जना विदेशी नागरिकलाई प्रहरीले अध्यागमन विभागमा बुझाएको छ ।

शनिबारको विरोध प्रदर्शनमा प्रहरीले १ अमेरिकन, ३ चाइनिज, १ नर्वेजियन र १ अष्ट्रेलियन नागरिकलाई नियन्त्रणमा लिएको थियो । उनीहरुलाई अध्यागमन ऐन अनुसार कारवाहीका लागि विभागमा बुझाइएको हो ।

उनीहरु नेपाली युवाहरुसँगै विभिन्न विरोधी नारा लेखिएका प्लेकार्डसहित पक्राउ परेका थिए ।