अङ्गीकृत नागरिकता सम्बन्धी ७ वर्षे प्रावधानविरुद्ध जनकपुरमा विरोध
![](https://www.makalukhabar.com/wp-content/uploads/2023/10/Final-icon-Logo-2023.png)
![अङ्गीकृत नागरिकता सम्बन्धी ७ वर्षे प्रावधानविरुद्ध जनकपुरमा विरोध](https://www.makalukhabar.com/wp-content/uploads/2020/06/Untitled-1.jpg)
जनकपुरधाम । अङ्गीकृत नागरिकतासम्बन्धी ७ वर्षे प्रावधानविरुद्ध जनकपुरमा विरोध भएको छ । नागरिकता विधेयकमा नेपाली पुरुषसँग विवाह गर्ने विदेशी महिलालाई ७ वर्षपछि मात्र नागरिकता दिने विषय राखेको विरोध गर्दै सोमबार साँझ प्रधानमन्त्रीको पुत्ला जलाइएको छ ।
जनता समाजवादी पार्टी निकट महिला तथा युवाले उक्त प्रावधानको विरोध जनाउँदै प्रधानमन्त्रीको पुत्ला जलाएका हुन् । पुत्ला जलाउनुअघि जनता समाजवादी पार्टीका महिलाहरूले भानु चोकस्थित सडकमै जाम गरेर प्रधानमन्त्रीविरुद्ध नाराबाजी पनि गरेका थिए ।
७ वर्ष नेपालमा स्थायी बसोबासपछि मात्रै विदेशबाट विवाह गरी नेपालमा आउने महिलालाई नागरिकता दिइने प्रस्ताव आइतबारको संसदीय समितिको बैठकले बहुमतले पारित गरेपछि जनकपुरमा यसको विरोध भएको हो ।
नेपाल कम्युनिस्ट पार्टी (नेकपा)को सचिवालय बेठकले सात वर्षपछि अङ्गीकृत नागरिकता दिने निर्णय गरेको थियो । त्यसलाई आइतबार समितिबाट पारित गरिएको थियो ।
![](https://www.makalukhabar.com/wp-content/uploads/2023/10/Final-icon-Logo-2023.png)