जोत्ने क्रममा रोडाभेटरमा परेर एक जनाको मृत्यु

चितवन । चितवनमा ट्याक्टरको रोटाभेटरमा परेर एक जनाको ज्यान गएको छ ।

चितवनको खैरहनी नगरपालिका वडा नम्बर ४ मा खेतमा धान रोप्नको लागी जोत्दै गरेको अवस्थामा ट्याक्टरको रोटाभेटरमा परेर अन्दाजी ५६ बर्षका एक पुरुषको मृत्यु भएको हो ।

आफ्नै खेतमा मेला बनाउदै गरेका रिठ्ठे दमाईको मृत्यु भएको प्रहरीले जनाएको छ । ना ७ त ४४८८ नम्बरकोे ट्याक्टरको पछाडी जडान गरिएको रोटाभेटर जोत्ने मेसिन परेर उनको घटनास्थलमा नै मृत्यु भएकाे हाे ।

इलाका प्रहरी कार्यालय खैरहनीका प्रहरी निरिक्षक ऋषिराम घर्ती मगरले ट्याक्टर र चालकलाई नियन्त्रणमा लिइएको जानकारी दिए ।