सुनको मूल्य बढेको बढ्यै, यस्ताे छ आजको मूल्य

काठमाडौं । कोरोना कहरसँगै सुनको मूल्य पनि उकालो लागिरहेको छ । आइतबार सुनको भाउ ७ सय रूपैयाँले बढेर फेरि प्रतितोला ९१ हजारभन्दा माथि पुगेको छ ।

नेपाल सुनचाँदी व्यवसायी महासंघका अनुसार आइतबारका लागि छापावाल सुनको मूल्य तोलामा ९१ हजार ३ सय रूपैयाँ तोकिएको छ । यसअघि शुक्रबार तोलाको ९० हजार ६ सयमा कारोबार भएको थियो ।

यस्तै तेजाबी सुनको भाउ पनि ९० हजार ८ सय ६० तोकिएको छ । सुनसँगै चाँदीको मूल्य पनि बढिरहेको छ । चाँदीको मूल्य तोलामा ५ रूपैयाँले बढेर प्रतितोला ९४५ रूपैयाँ पुगेको छ ।