प्रतिनिधिसभा सांसद ज्ञानकुमारी छन्त्यालको निधन

काठमाडौं । सांसद ज्ञानकुमारी छन्त्यालको निधन भएको छ । नेपाली काँग्रेसको तर्फबाट समानुपातिक सांसद रहेकी ६६ वर्षीया छन्त्यालको गंगालाल राष्ट्रिय हृदय रोग केन्द्रमा आज बिहान निधन भएको हो ।

उनको गत आइतबार मुटुको ३ वटा भल्ब ब्लक भएपछि शल्यक्रिया गरिएको थियो । छन्त्याल मुटुमा समस्या देखिएपछि प्रतिनीधिसभाको नयाँ नक्सा निशान छापमा समावेशन गर्ने सम्बन्धी बैठकमा सहभागी हुन सकेकी थिइनन् ।

छन्त्यालका श्रीमान, दुई छोरा र दुई छोरी रहेका छन् । बाग्लुङको तमानखोला गाउँपालिका ५ खुंखानीमा जन्मेकी छन्त्याल लामो समयदेखि नेपाली कांग्रेसमा सक्रिय रहँदै आएकी थिइन् ।