संघीय संसदको बजेट अधिवेशन अन्त्य

काठमाडौं । संघीय संसदको बजेट अधिवेशन अन्त्य भएको छ ।

आज मध्यान्ह्मा बसेको मन्त्रिपरिषद् बेठकले संसद अधिवेशन अन्त्य गर्न सिफारिस गरेको थियो । सोही सिफारिस बमोजिम राष्ट्रपति विद्यादेवी भण्डारीले संघीय संसदको बजेट अधिवेशन अन्त्य गरेकी हुन् ।

राष्ट्रपति भण्डारीले अपरान्ह ५ बजेदेखि संसद अधिवेशन अन्त्य गरेको सूचना संघीय संसदलाई जानकारी गराएकी हुन् । पत्रमा भनिएकाे छ, ‘नेपालकाे संविधानकाे धारा ९३ काे उपधारा (२) बमाेजिम नेपाल सरकार, मन्त्रिपरिषदकाे मिति २०७७/३/१८ काे सिफारिसमा संघीय संसदकाे दुवै सदनकाे चालु अधिवेशन संवत् २०७७/३/१८ गते बिहीबारकाे दिन अपरान्ह ५ बजेदेखि अन्त्य गरेकाे छु ।’

अब संसद् सचिवालयले सूचना टाँस गरेपछि औपचारिक रुपमा अधिवेशन अन्त्य हुनेछ ।