प्रहरीमाथी अन्धाधुन्ध गोली प्रहार, डीएसपीसहित ८ प्रहरीको मृत्यु

काठमाडौं । भारत उत्तर प्रदेशको कानपुरमा अपराधिक समूहसँग भएको मुठभेडमा डीएसपीसहित ८ जना प्रहरीको मृत्यु भएको छ । कानपुरको चौबेपुरको बिकरु गाउँमा सो घटना भएको हो ।

विकास दुबे नाम गरेका गुण्डा नाइकेलाई पक्राउ गर्न प्रहरी टोली उक्त गाउँमा गएको थियो । यसै क्रममा गुण्डा नाइके विकास र उनका साथीहरूले प्रहरीमाथि गोली चलाएका थिए । आक्रमणमा परी अन्य ४ प्रहरी घाइते भएका छन् ।

घर भित्र र छतबाट गोली प्रहार भएपछि प्रहरीमा ठुलो क्षति भएको बताइएको छ । घटनाप्रति दुख व्यक्त गर्दै उत्तर प्रदेशका मुख्यमन्त्री आदित्यनाथले अपराधीहरुविरुद्ध कडा एक्सन लिन निर्देशन दिएका छन् ।