चाँदी तोलामा १० रुपैयाँले घट्यो, सुनको मुल्य पनि घट्यो

काठमाडौं । सुन र चाँदी दुवैको मुल्य आज घटेको छ ।

बिहीबारको तुलनामा सुनको मुल्य तोलामा पाँच सय रुपैयाँले घटेको छ । बिहीबार तोलाको ९१ हजार रुपैयाँमा कारोबार भएको छापावाल सुनको मुल्य आज प्रतितोला ९० हजार ५ सय कायम गरिएको नेपाल सुनचाँदी व्यवसायी महासंघले जनाएको छ

तेजाबी सुनको मूल्य पनि तोलामा ५ सय रुपैयाँले नै घटेको छ । बिहीबार तोलाको ९० हजार ५ सय ६५ रुपैयाँ तोकिएको तेजाबी सुनको मुल्य शुक्रबारका लागि तोलाको ९० हजार ६५ तोकिएको छ ।

त्यस्तै चाँदीको मूल्य तोलामा १० रुपैयाँले घटेको छ । चाँदीको भाउ शुक्रबारका लागि ९४० रुपैयाँ तोकिएको महासंघले जनाएको छ । बिहीबार तोलाको ९५० रुपैयाँमा कारोबार भएको थियो ।