नेकपा स्थायी कमिटी बैठक १ बजेसम्मका लागि स्थगित

काठमाडौं । आज (मंगलबार) बिहान ११ बजे बस्ने भनिएको नेपाल कम्युनिस्ट पार्टी (नेकपा) को स्थायी कमिटी बैठक १ बजेसम्मका स्थगित भएको छ ।

पार्टीका दुई अध्यक्ष केपी शर्मा ओली र पुष्पकमल दाहालको छलफल जारी रहेका कारण बैठक एक बजेलाई सारिएको हो ।

पार्टी नेताहरु बिचको विवाद समाधान नहुँदा पटक–पटक स्थगित हुँदै/सर्दैै आएको बैठक आज पनि तोकिएको समयमै बस्न सकेकाे छैन । असार १० गते सुरू भएको पहिलो बैठकमा अध्यक्ष एवम् प्रधानमन्त्री केपी शर्मा ओलीको राजीनामा मागिएपछि त्यसयता बैठक ७ पटक स्थगित भइसकेको छ ।