‘…त्यसोभए म जस्तो राष्ट्रवादी कोही छैन, तपाइँको मनपर्ने राष्ट्रपति’

काठमाडौं । अमेरिकी राष्ट्रपति डोनाल्ड ट्रम्पले मास्को प्रसंग निकाल्दै आफू जत्तिको राष्ट्रवादी अरु कोही नभएको बताएका छन् । सामाजिक सञ्जाल ट्वीटरमा एक ट्वीट गर्दै उनले यस्तो बताएका हुन् ।

‘हामी अदृश्य चीन भाइरसलाई पराजित गर्न एकजुट छौं र केही मानिस भन्छन् कि सामाजिक दुरीको नियम पालना गर्न नसकिएको अवस्थामा मास्क लगाउनु राष्ट्रवाद हो । त्यसोभए म जस्तो राष्ट्रवादी कोहीछैन । तपाइँको मनपर्ने राष्ट्रपति ।’

यसअघि उनले चिनियाँ भाइरस भन्दै मास्क लगाउन अस्वीकार गर्दै आएका थिए । उनले लकडाउन समेत जारी राख्नुु नपर्ने बताउँदै आएका थिए । त्यसकारण पनि जनताको ज्यान जोखिममा हालेको भन्दै उनको चर्को आलोचना हुँदै आएको थियो ।

महामारीका कारण मानवीय हताहति बढ्दै गएपनि मास्कको विपक्षमा देखिएका ट्रम्पलाई उनका सहयोगीहरुले निरन्तर मास्क लगाउन आग्रह गरेका थिए । उनले यसअघि आफ्नै प्रशासनका स्वास्थ्य विज्ञहरुले मास्क लगाउन गरेको अनुरोधलाई टेरेका थिएनन् ।