अमेरिकाको अलास्कामा शक्तिशाली भूकम्प, सुनामीको खतरा

काठमाडौं । संयुक्तराज्य अमेरिकाको अलास्कामा भूकम्प गएको छ । अलास्काको दक्षिणी भेगमा स्थानीय समय अनुसार अपराह्न २ः१२ बजे ७.८ म्याग्नीच्युडको भूकम्प गएको हो ।

अमेरिकी भूगर्भ सर्भेका अनुसार उक्त भूकम्प जमिनको सतहबाट करिब १० किलोमिटर गहिराईमा आएको थियो ।

भूगर्भ केन्द्रले भूकम्पको गएको क्षेत्रको आसपास सुनामीको खतरा रहेको जनाएको छ । भूकम्पको धक्का सयौं माइल टाढासम्म अनुभव गरिएको थियो । भूकम्पका कारण जनधनको क्षति भए–नभएकोबारे विवरण आउन बाँकी छ ।